НАСА - Ангараг гараг руу явах даалгаврын хүрээнд хөлгийн баг бүрдүүлж, гурван төрлийн симуляци орчинд хүмүүс хэрхэн аж төрөхийг үзэх нэг жилийн хугацаатай төсөлдөө сонгон шалгаруулалт явуулах болжээ.

Хэвлэлийнхний мэдээлж байгаагаар гол зорилго нь хөлгийн багийнхан 365 өдрийг Марс Дюн Альфа гэх 160кв.м жишиг баазад хэрхэн өнгөрөөхийг харах юм. Тус бааз нь хүмүүс Ангараг гараг дээр жинхэнээсээ хүрч очиход ямар төрлийн сорилтуудтай тулгарч болохыг симуляци хийж үзүүлэхээр зохион бүтээгджээ.

Албан ёсоор “Хөлгийн багийн эрүүл мэнд, үзүүлэлт судалгааны аналог” хэмээн нэрлэгдсэн тус даалгаврууд сонгон шалгаруулалтад тэнцсэн горилогчид тоног төхөөрөмжийн эвдрэл, хүнс нөөцийн дутагдал, хүрээлэн буй орчны стресс үүсгэгч зэрэг хүнд хэцүү үзэгдлүүдийг хэрхэн даван туулахыг харах аж.

Мөн НАСА-гаас хэрхэн жингүйдэл бий болгохыг тодорхойлж хэлээгүй ч хөлгийн багийг сансрын алхаагаар алхаж үзэх боломжтой хэмээсэн юм.

Дэлхий дээр амьдарч байхдаа Ангараг гараг дээр байгаа юм шиг бүтэн нэг жилийг өнгөрөөнө гэдэг үнэхээр сонирхол татам санаа шиг санагдах ч сонгон шалгаруулалтад хэн дуртай нь орж чадахгүй.

Учир нь НАСА-гаас гаргасан зарлалд туршилтад орохыг горилогч нь Англи хэлтэй, тамхи татдаггүй, АНУ-ын иргэн эсхүл АНУ-д байнга орших суух үнэмлэхтэй, 33-55 насны, СТЕМ технологиор мастерын зэрэгтэй, 1000 цагийн нислэгийн дадлага эсхүл цэргийн туршлагатай байх ёстой  гэнэ.  

Эх сурвалж: UNILAD