Өдөр бүр эрч хүчтэй байх зөвлөмжүүд
2021, 8 сарын 18. 12:151

Хэрэв та өглөөг хүндхэн эхлүүлдэг бол ганцаараа биш ээ. Бидний ихэнх нь аяга кофетой золгох хүртлээ орондоо шигдэхийг хүсдэг. Зарим нь ажилдаа дургүй эсвэл амьдралынхаа янзан бүрийн асуудалтай тэмцэлддэг тул таатай бус байдаг. Үнэндээ бол тэсэн ядан хүлээх зүйлгүй байгаа нь цэвэр таны буруу.

Эрч хүчтэй сэрэх түлхүүр бол өөрийн амьдралаа гартаа оруулсан гэдгээ мэдэрч, тэр сэтгэл хөдлөл нь таны дотроос гарч ирэх юм.

1. Зорилгоо урд орой нь тодорхойлох

Өмнөх нь орой нь маргааш юу хийхээ боддог оюун ухааныг бэлдэх явдлыг хүмүүс тун доогуур үнэлдэг.

Урд орой нь зорилгоо тодорхой болгох нь давуу талтай. Таны өдрийг зөв эхлүүлэхээс гадна таны оюун санаа шөнөжин тэр зорилго дээр төвлөрдөг.

Маргааш өглөө нь сэрээд юу юу хийхийг хүсэж байснаа маш хурдан санадаг. Энэ мөчөөс эхлээд таны хатуужлын асуудал хөндөгдөнө.

2. Сэрүүлгээ нөгөө өрөөнд юм уу орноосоо хол байрлуулах

Орныхоо хажууд сэрүүлгээ тавих нь буруу.

Нөгөө өрөөнд байрлуулбал хүчээр боловч унтраах гэж босдог. Ингэснээр ахин дахин өөрийгөө ядрааж, унтах гэж оролдохгүй.

Харин босож алхаад сэрүүлгээ унтрааж, буцаж хэвтэх үед ‘өдрийг ийм маягаар өнгөрөөхгүй’ гэсэн ухамсарт шийдэлд хүрсэн байдаг.

3. Хамгийн түрүүнд хийх зүйл тань хөгжилтэй байх хэрэгтэй.

Таныг хөдөлгөгч хүч юу вэ? Ядарснаа үл тоон хийх зүйл тань юу вэ? Өглөөний нэвтрүүлэгт дуртай юу? Эсвэл босоод хөгжим дарах дуртай юу?

Ямартаа ч зугаатай зүйл таныг сэргээдэг. Сэрүүн байлгадаг. Сэрмэгцээ хөгжилдөж болох 30 минутыг өөртөө өг. Энэ нь таныг зөв замд хөтөлнө. Сэрмэгцээ хийх хөгжилтэй зүйлтэй байх нь өдрийг гайхалтай эхлүүлэх үндэс. Үүний дараагаар шүршүүрт орох, өглөөний цайгаа уух зэрэг уламжлалт бас уйтгартай хуваарьтаа орж болно.

4. Нийгэмших

Хэрэв өдөр тутмын амьдрал тань туйлын завгүй өнгөрдөг бол итгэлт андтай болох хэрэгтэй. Нэгнийгээ өглөө бүр зоригжуулдаг, өдрийг гайхалтайгаар эхлүүлэхэд тусалдаг, хамт гүйдэг юм уу кофе шоп-д таардаг анд. Бусад хүмүүстэй нийгмийн харилцаанд ормогц хүчээр сэрдэг. Иймээс өглөөд хийх зүйлсийн тоонд нийгэмших ажлыг нэмж болно.

5. Тууштай байх

Үр дүнтэй, эерэг нөлөөлөлтэй өглөөний хуваарийг бий болгохын хамгийн хэцүү хэсэг бол тууштай байх шаардлага тулгардаг. Хүмүүсийн хамгийн ихээр гомдол-дог зүйл бол хэдэн долоо хоног зарим нь бүр хэд хоногийн дараа ‘Надад тохирох зүйл биш’ хэмээдэг.

Өөрийн төрөлх араншин болтол маш урт хугацаанд хийх хэрэгтэй. Хэрэв өглөө бүрийг эрч хүчтэй, цоглог байдлаар эхлүүлэхийг хүсэж байвал нэлээдгүй урт хугацаанд дадлага сургуулилтаа хийх юм. Тэр үеэс эхлэн ингэх ёстой гэж сэрэлгүй өөрийн зөнгөөрөө л эрч хүчээр бургилан сэрдэг болно.

Энэ мэдээнд өгөх таны сэтгэгдэл?
1
3
1
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
3 дахь жилдээ дайны нөхцөл байдалд байгаа Украины эдийн засаг өнгөрсөн онд 5.3 хувиар өсжээ
02024-3-29 17:11
Нэг биетэй ихрийн өрөөсөн болох Абби Хэнсел хуримаа хийжээ
2024-3-29 16:13
Амьсгал хураах мөчид хүн юу боддог вэ?
2024-3-29 12:56
Рафах руу довтлох Израилын төлөвлөгөөг дахин хэлэлцэнэ
2024-3-29 11:55
Өмнөд Африкт автобус осолдсоны улмаас олон хүн амиа алджээ
2024-3-29 11:52
Халдлага үйлдэгчид Украины үндсэрхэг үзэлтнүүдтэй холбоотой болохыг нотолсон гэж мэдэгджээ
2024-3-29 11:45
Москвад болсон халдлагад Украин ба Барууны улсууд холбоогүй гэж АНУ дахин мэдэгджээ
02024-3-29 11:42
“Крипто зах зээлийн хаан” гэгдэж байсан Сэм Бэнкман-Фридэд 25 жилийн хорих ял оноолоо
02024-3-29 9:52
Xiaomi компани Porsche-той төстэй загвартай цахилгаан автомашинаа худалдаанд гаргалаа
02024-3-29 4:08
Цахиурын хөндийн жинсэн өмд, юүдэнтэй цамцтай “залуус” тансаг, дэгжин хувцсаар гоёх болжээ
02024-3-29 4:02