Оросын цэргийн тээврийн онгоцны түргэвчилсэн загвар туршилтын нислэгээ гүйцэтгэж байхдаа Москва хотын гадна осолджээ. Осол мягмар гарагт болсон бөгөөд ОХУ-ын Юнайтед Аэркрафт Корпорацын мэдээлснээр онгоцонд байсан хөлгийн 3 ажилтан амиа алдсан байна.
Онгоц Москва хотоос баруунтаа байх Кубинкагийн нисэх зурваст газардахаар нисэж байхдаа ойн модон дунд осолдсон болохыг хэлжээ.
Хөлөгт нийт 3 ажилтан байснаас хоёр нь нисгэгч, нэг нь нисэхийн инженер байсан гэнэ.
Онгоцны ослын үеийн бичлэгийг нэгэн этгээд Телеграм хуудаснаа нийтэлсэн бөгөөд бичлэгээс үзэхэд онгоцны нэг хөдөлгүүр шатаж, төдөлгүй ойн моддыг чиглэн унажээ.
Цэргийн алба хаагч, армийн зэвсэг, хэрэглэл тээвэрлэх зориулалттай тус онгоц нь 5 тонны даацтай бөгөөд ирэх сард хэрэглээнд нэвтрэх байсан тийнхүү осолдсон байна.
Эх сурвалж: AP