Өнгөрөгч 19-ний өдөр (орон нутгийн цагаар) АНУ-ын Аляска мужийн Анкоридж хотын Гааль, Хилийн Хамгаалалтын байцаагч Хятадаас орж ирсэн 3,000 гаруй Ковид-19 өвчний вакцинжуулалтын хуурамч гэрчилгээг хураасан тухай Ройтерс болон бусад гадаадын хэвлэл мэдээллийн хэрэгслүүд мэдээлэв.
Гааль, хил хамгаалах байгууллагын мэдээлснээр хуурамч гэрчилгээ нь бага зэрэг бүдэг хэвлэгдсэн байсан хэдий ч АНУ-ын Өвчний хяналт, урьдчилан сэргийлэх төвийн вакцин хийлгэсэн хүмүүст олгодог гэрчилгээтэй маш төстэй байсан гэжээ.
Анкоридж боомтын ажилтнууд хуурамч гэрчилгээг Аляска болон АНУ-ын бусад хилийн боомтуудаар оруулсан байж болзошгүй хэмээн үзэж мөрдөн байцаалтын ажиллагаа үргэлжилж байгаа гэж мэдэгдэв.
Өнгөрсөн долоо хоногт мөн Теннесси мужийн Мемфис хотод АНУ-ын Гааль, Хил Хамгаалах байгууллагын байцаагчид Хятадад үйлдвэрлэсэн 3,000 гаруй Ковид-19 өвчний вакцинжуулалтын хуурамч гэрчилгээг хураан авсан юм.
АНУ-ын Холбооны мөрдөх товчооны мэдээлснээр хуурамч гэрчилгээ хийлгэх болон худалдаж авсан нь баригдвал тухайн хүн торгууль төлөхөөс гадна таван жил хүртэл хугацаагаар хоригдох ялтай хэмээсэн байна.
Эх сурвалж: Naver