Ливаны засгийн газраас шатахууны эрэлтийг бууруулахыг оролдохдоо шатахууны үнийг 66 хувиар нэмжээ.
Сүүлийн гурван сарын хугацаанд тус улсад шатахууны үнэ бараг 3 дахин өссөн юм. Үнийн өсөлт даруй хэрэгжиж эхэлжээ.
Тус шийдвэрийг өнгөрөгч бямба гарагт Ливаны ерөнхийлөгч, Ливан улсын төв банкны ерөнхийлөгч болон бусад удирдах албаныхан яаралтай хуралдаж, гаргасан байна.
Шатахууны үнэ ийнхүү огцом өсөх нь бусад бараа бүтээгдэхүүний үнэд ч нөлөөлж байгаа ба угаас эдийн засгийн хувьд хүндхэн байгаа улсыг улам л хүнд байдалд оруулж болзошгүй юм.
Учир нь сүүлийн 2 жилийн турш Ливан улс эдийн засгийн уналттай нүүр тулаад байгаа бөгөөд ливан фунт ам.доллартой харьцах нэрлэсэн ханшийнхаа 90 гаруй хувийн үнэ цэнийг алдсан байгаа билээ.
Эх сурвалж: DW