АНУ, Сингапур улс кибер аюулгүй байдал, уур амьсгал, эдийн засаг зэрэг өргөн хүрээнд хамтын ажиллагаагаа бэхжүүлэхээр тохиролцсон тухай Channel News Asia суваг 23-ны өдөр мэдээлэв.

Сингапурт айлчилж буй АНУ-ын Дэд Ерөнхийлөгч Камала Харрис, Сингапурын Ерөнхий сайд Ли Сянь Лун нар мөн өдөр төрийн дээд хэмжээний уулзалт хийж, хоёр улс Ковид-19 тахлын эсрэг болон сансрын салбарт хамтран ажиллахаа болсноо мэдэгдэв.

Өнгөрсөн сард АНУ-ын Батлан ​​хамгаалахын сайд Ллойд Остинтой дээд хэмжээний уулзалт хийсэн Ерөнхий сайд Лигийн энэ удаагийн Дэд Ерөнхийлөгч Камала Харристай уулзсан уулзалт нь 2 орны хамтын ажиллагаагааг бэхжүүлэхээс гадна Зүүн Өмнөд Азийн стратеги, эдийн засгийг дэмжих үүрэг хариуцлагаа баталгаажуулж буй хэрэг боллоо.

Дэд Ерөнхийлөгч Харрис хэлэхдээ, Байдены засгийн газар нь 2 орны найрамдалт, түншлэлийн харилцаанд тулгарч буй сорилт бэрхшээл, боломжуудын талаар нэгдмэл үзэл баримтлалтай байгаа гэдгээ дурдаад "АНУ нь Зүүн Өмнөд Ази, Энэтхэг, Номхон далайн бүс нутагт үүссэн ямар ч асуудалд идэвхтэй хамтран ажиллахад бэлэн байгаа." гэдгээ илэрхийлжээ.

Дэд Ерөнхийлөгч Харрис Афганистанд өрнөөд буй асуудлын талаар хэлэхдээ тус улсад байгаа америк иргэдийг болон афганчуудыг аюулгүй нүүлгэн шилжүүлэхэд гол анхаарлаа хандуулж байгаа тухайгаа тэмдэглэсэн юм.

Эх сурвалж: Financial news