БНХАУ 0-КОВИД-19 гэсэн тактикийнхаа хүрээнд амжилтад хүрч, даваа гарагийн байдлаар улс даяар дотоодод дамжсан халдварын тохиолдол огт бүртгэгдээгүй байна. Энэ нь долдугаар сараас хойш ийнхүү дотоодын халдвар бүртгэгдээгүй анхны тохиолдол юм.
Хэрэв энэ чигтээ улс БНХАУ-д дотоодын халдвар цаашид бүртгэгдэхгүй бол тус улс нь дельта хувилбарын тархалтыг хумьж чадсан дэлхийн анхны улс болох ажээ.
БНХАУ-ын хувьд дельта хувилбарын тархалт бүртгэгдсэн даруй хатуу хөл хорио тогтоож, олон нийтийг хамарсан шинжилгээ авч, тандалт судалгааны ажлыг үр дүнтэй хийсэн бөгөөд дотооддоо муж хоорондын хөдөлгөөнийг хязгаарласан билээ.
Тийнхүү хариу арга хэмжээ үр дүнгээ үзүүлж, өнгөрсөн хэдэн долоо хоногийн турш шинээр бүртгэгдэх тохиолдлын тоо мэдэгдэхүйц бууч улмаар даваа гарагт л гэхэд нийт 21 тохиолдол бүртгэгдсэнээс бүгд гадаадаас зөөвөрлөгдөн орж ирсэн тохиолдол байжээ.
Эх сурвалж: Xinhua