Аляск Эйрлайнсийн Нью Орлеанаас Сиэтл чиглэлд зорчсон агаарын хөлгийн бүхээгт гар утас шатжээ. Аз болоход гал гарах үед онгоц аль хэдийн газардсан байсан юм.
Шатсан гар утас нь Samsung A21 загварын утас байсан бөгөөд тус авиа компанийн хэвлэлийн төлөөлөгчийн хэлж байгаагаар гар утсыг олох гэж их хугацаа зарцуулсан ба утсыг олоход гар утас гэж хэлэхийн аргагүй байжээ. Харин зорчигч дундаас шатсан төхөөрөмж нь Samsung A21 загварын утас байсныг хэлсэн юм.
Галыг унтраахад хөлгийн багийнхан галын хор ашиглаж, гал нь унтарсан ч утаа нь намжихгүй байсан тул утсыг батарей хадгалдаг уутанд хийсэн байна.
Онгоцны зорчигчид бууж амжаагүй байхад гал гарсны улмаас тэднийг ослын гарцаар гаргаж, перрон талбайгаас шууд онгоцны буудал хүргэжээ.
Галын улмаас хүний амь эрстээгүй ч хоёр хүн эмнэлэгт хүргэгдсэн юм.
Одоогоор энэ төрлийн утастай холбоотой ижил хэрэг бүртгэгдээгүй байгаа билээ.
Эх сурвалж: The Verge