Япон улс Фукушима цөмийн цахилгаан станцын бохирдсон усыг тус бүс нутгаас ойролцоогоор 1 км-ийн зайтай орших далайд цутгах шийдвэр гаргаад байгаа билээ. Гэвч хөрш орнуудын зүгээс нэгдсэн зөвшилцөлд хүрэхээс нааш уг шийдвэрийг эрс эсэргүүцэж буйгаа илэрхийлээд байна.
Хятадын ГХЯ-ны хэвлэлийн төлөөлөгч Ван Вэнь Бин 26-ны өдөр орон нутгийн хэвлэлийн бага хурал дээр хэлэхдээ "Япон улсыг олон улс болон хөрш орнуудынхаа өмнө хүлээсэн үүргээ биелүүлж тус алдаатай шийдвэрээ эргэн харахыг шаардаж байна." гэжээ.
Төлөөлөгч Ван үргэлжлүүлэн "Энэ асуудалд шууд болон шууд бусаар холбоотой орнууд, олон улсын байгууллагуудтай сайтар зөвшилцөж тохиролцоонд хүрэхээс нааш Япон улс дангаар дур мэдэн бохирдсон усыг далайд цутгах ёсгүй" хэмээв.
Өмнөд Солонгосын засгийн газрын зүгээс ч "Токио Электрик Пауэрс" компаний өчигдөр олон нийтэд танилцуулсан бохирдсон ус зайлуулах төлөвлөгөөний талаар ихэд харамсаж буйгаа илэрхийлээд байгаа юм.
Эх сурвалж: Naver