Москва хотын Таганский дүүргийн шүүх WhatsApp-ийг орос хэрэглэгчдийн датаг ОХУ-ын нутаг дэвсгэрт байршуулахаас татгалзсанд 4 сая рублийн торгууль ногдуулжээ.
Шүүхээс, “Москва хотын шүүхийн 422 дугаар танхим WhatsApp аппликейшний удирдлагыг ОХУ-ын Захиргааны кодын 8 дугаар бүлгийн 13.11 дэх зүйлд үндэслэн, гэм буруутайд тооцов” хэмээсэн байна.
Өнгөрөгч пүрэв гарагт мөн Твиттер, Фэйсбүүк компанийг 17 сая рубль, 15 сая рублиэр тус тус торгожээ. Тэд өмнө нь орос хэрэглэгчдийн датаг ОХУ-ын нутаг дэвсгэрт байршуулахаас татгалзсанд аль хэдийн 4 сая рублиэр торгуулаад байсан юм.
2020 оны тавдугаар сарын сүүл гэхэд Оросын хэвлэл мэдээллийн байгууллагаас гадаадын байгууллагуудыг энэ оны зургадугаар сарын 1 хүртэлх хугацаанд датабаазуудаа ОХУ-ын нутаг дэвсгэрт байршуулахыг үүрэгдсэн бөгөөд одоогийн байдлаар нийт 600 гаруй байгууллага датабаазуудаа нүүлгэн шилжүүлээд байгаа ажээ.
Эх сурвалж: ТАСС