Испанийн хаант улсын гүнж өдгөө 15 настай Леонор Их Британид суралцахаар явсан тухай Испанийн өдөр тутмын El Pais сонин 31-ний өдөр (орон нутгийн цагаар) мэдээлэв.

VI Фелипе хааны том охин гүнж Леонор нь Уэльсийн UWC Атлантик коллежид 2 жилийн турш 90 гаруй орноос ирсэн 350 орчим оюутнуудтай цуг их сургуулийн өмнөх боловсролыг эзэмших аж.

UWC Атлантик коллежийн оюутнуудын 70% нь ямар нэгэн хэмжээгээр тэтгэлэгт хамрагддаг аж. Гэвч хааны гэр бүл гүнж Леонорын сургалтын төлбөр болох 76,000 еврог 100% өөрсдөө гаргах юм.

12-р зууны Гэгээн Донна цайзад байрладаг UWC Атлантик коллеж нь дэлхийн өнцөг булан бүрээс ирсэн язгууртан угсааны болон саятан, сэхээтнүүдийн хүүхдүүдэд суралцдаг коллеж гэдгээрээ алдартай юм.

Энэхүү коллежийг Английн хатан хаан II Элизабетийн талийгаач нөхөр хунтайж Филип болон ханхүү Чарльз нарын суралцаж байсан Шотландын Гордонстон сургуулийг үүсгэн байгуулсан Германы нэрт эрдэмтэн Курт Хан 1962 онд үүсгэн байгуулж байжээ.

Эх сурвалж: Yonhap