ОХУ-ын төрийн мэдээллийн агентлагийн мэдээлснээр, В.Путин орон нутгийн цагаар 1-ний өдөр Владивосток хотноо болсон "Мэдлэгийн өдөр" хэмээх оюутнуудтай хийсэн уулзалтын үеэрээ АНУ-ыг Афганистанд 20 жилийн турш дайн хийсэн нь ямар ч үр дүнд хүрээгүйгээр барахгүй маш их алдагдлыг дагуулсан хэмээн шүүмжилжээ.
Путин хэлэхдээ "Афганистанд байрлаж байсан АНУ-ын цэргүүд нутгийн иргэдийг соёлжуулж сургах нэрийдлээр өөрсдийн хэм хэмжээ, стандарт, түүний дотор улс төрийн үзэл баримтлалыг нь өөрчлөх гэж оролдсон." хэмээн тодотгов.
"Хэрэв та хэн нэгний төлөө ямар нэгэн зүйл хийхийг хүсч байвал тухайн нутгийнхаа түүх соёл, амьдралын философи зэргийг харгалзан үзэж, тэдний уламжлалыг хүндэтгэхээс эхлэх ёстой." гээд үргэлжлүүлэн “ гаднаас ирсэн хэн бугай ч байсан өөрсдийн үзэл бодол, соёл зэргийг тухайн орон нутгийн иргэдэд тулгах ёсгүй.” хэмээн нэмжээ.
Үүнээс өмнө Ерөнхийлөгч В.Путин өнгөрсөн сарын 24 -нд эрх баригч Нэгдсэн Орос намаас зохион байгуулсан үндэсний их хуралд оролцож, "Бид Афганистаны дотоод хэрэгт хөндлөнгөөс оролцох бодолгүй байна.” гэдгээ мэдэгдэж байсан юм.
Эх сурвалж: YTN
Өөрсдөө ч адилхан дөө