Шри Ланка улсад Суранги гэх 25 настай, эмэгтэй заан эрүүл, хоёр ихэр тугал төрүүлжээ. Заан ихэрлэх нь маш ховор тохиолдол юм. Тэдгээр тугал нь 1941 оноос хойш Шри Ланка улсын нутаг дэвсгэрт мэндэлсэн анхны ихэр тугал ажээ.
Пиннавалагийн заан асрамжийн газрын ахлах Ренука Бандаранайкэгийн хэлж байгаагаар “Эх заан болоод тугалууд гурвуул эсэн мэнд, сайн байгаа. Тугалууд бусад тугалтай харьцуулахад жижигхэн мэндэлсэн ч эрүүл мэндийн асуудалгүй” гэжээ.
Түүний хэлж байгаагаар Суранги 2009 онд нэг эр тугал төрүүлж байсан ба энэ нь түүний хоёр дахь төрөлт гэнэ.
Хөрөнгө чинээтэй Шри Ланкан оршин суугчид болоод Буддын хамба лам нар заан тэжээх нь нийлэг үзэгдэл бөгөөд улмаар хөрөнгө чинээгээ, эрх мэдлээ гайхуулж буй хэрэг юм.
Шри Ланка улсад заан хамгааллын хууль журам ч байх ба түүнийг нь зөрчсөн тохиолдолд заанаа улсын асрамжид аваачиж, гурав хүртэлх жил шоронд суух ялаар шийтгүүлж болох ажээ.
Албаныхны мэдээлж байгаагаар Шри Ланка улсад нийт 200 тэжээвэр заан, 7500 заан байгальд байгаа гэнэ. Байгальд байгаа зааныг барьж хорих нь үхлийн ял сонсох гэмт хэрэгт тооцогддог байна.
Эх сурвалж: NDTV