Дани улсын нийслэл Копенгагены Цагдаагийн газраас тодорхой хэдэн төрлийн гэмт хэрэг үйлдэж байсан түүхтэй хүмүүсийг шөнийн цагт дөрвөн бүсэд зорчихыг хориглохоор болжээ.

Энэ нь тус улсын засгийн газраас цагдаа нарт шаардлагатай хоригийг өөрсдөө боловсруулан тавих эрхийг олгосноос хойш эрхээ эдэлж байгаа анхны хэрэг юм.

Одоогийн байдлаар тус хоригт тусгасан дөрвөн бүс нь “шөнийн амьдралын бүс” буюу шөнийн цагт ч хүмүүсийн хөл хөдөлгөөн тасардаггүй бүсүүд ажээ.

Улмаар өмнө нь тодорхой хэдэн төрлийн гэмт хэрэг үйлдэж байсан хүмүүс хоёр хүртэлх жилийн хугацаанд тухайн бүсүүдээр шөнийн цагт зорчиж болохгүй гэнэ.

Тус хориг нь энэ сарын 14-ний өдрөөс эхлэх бөгөөд 2023 онд цуцлагдах юм.

Хоригийг зөрчсөн тохиолдолд эхний удаад 10 мянган кроны торгууль ногдуулах бол хоёр дахь удаад 30 хүртэлх хоног хорих арга хэмжээ авах ажээ.

Эх сурвалж: The Local