ОХУ-ын Гадаад хэргийн яамны хэвлэлийн төлөөлөгч Мария Захаровагийн пүрэв гарагт хийсэн мэдэгдлээр “Афганистан улс засгийн газраа бүрдүүлчихвэл шинэ удирдагч нарыг хүлээн зөвшөөрөх тал дээр авч хэлэлцэнэ” хэмээжээ.
Тэрээр, “Бидний зүгээс Афганистан улсыг бүхий л нийгмийн цөөнх бүлгүүд, тухайн улсын угсаатны болон улс төрийн хүчнийг багтаасан, хамтарсан, хүртээмжтэй засгийн газар бүрдүүлэхийг уриалж байна. Тэгж байж тус улсын эрх баригчдыг хүлээн зөвшөөрөх эсэх асуудал ургана.
Барууны орнуудын Афганистан улсыг орхих гэсэн эмх замбараагүй үйл ажиллагаа нь энэ улсын түүхийн шинэ эринд муугаар нөлөөлж болзошгүй.
Мөн бид Талибын удирдах алба хашиж буй Шахабуддин Делаварын гадаад улс орнуудыг дипломат харилцаагаа цуцлалгүй үйл ажиллагаагаа үргэлжлүүлэхийг уриалсан мэдэгдлийг авч үзвээс Талибын удирдлагууд олон улстай харилцаа тогтоохыг хүсэж байна гэж ойлгосон” гэдгийг ч хэлсэн байна.
Түүнчлэн Афганистан улс дахь ОХУ-ын элчин сайдын алба хэвийн ажиллах болсныг дурдсан юм.
Эх сурвалж: ТАСС