Эл Сальвадор улсын ерөнхийлөгч Наяиб Букелэ даваа гарагт хэлснээр тус улс энэ сарын 6-ны өдрийн дотор 400 биткоин худалдан авчээ. Эл Сальвадор нь өнөөдрөөс эхлэн биткоиныг хууль ёсны төлбөрийн хэрэгсэл болгон баталж байгаа юм.
Улмаар өчигдөр буюу 6-ны өдөр тус улс 200 биткоин авсан тухай мэдээг ерөнхийлөгч нь Твиттер хуудаснаа зарлаад байсан ба дахиад ч илүүг авна гэж мэдэгджээ. Өдрийн төгсгөлд тэрээр “Бид одоо 400 биткоин эзэмшиж байна” хэмээжээ.
Тийнхүү даваа гарагийн үдээс хойш гэхэд биткоины үнэ 1.49 хувиар өсөж, 52680 ам.долларын үнэд хүрсэн байна.
Биткоиныг хууль ёсны мөнгөн тэмдэгт болгосноор гадаад улсад ажиллагсад гэр бүлдээ мөнгө явуулахад хэмнэлттэй явуулах боломжтой гэнэ.
Эх сурвалж: The Reuters