Канад улсын ерөнхий сайд Жастин Трюдо сонгуульд дахин өрсөлдөх болсноор компанит ажлаа эхлүүлсэн билээ. Тэгвэл түүнийг иргэдтэй уулзалт хийх үеэр вакцинжуулалтыг эсэргүүцэгчид түүн рүү хайрга нүүлгэсэн хэрэг гарчээ.
Канадын үндэсний зурагтын сувгийн дүрс бичлэгээс үзэхэд Жастин Трюдог компанит ажилдаа зориулсан автобусаа чиглэн алхаж явахад түүнийг болоод бие хамгаалагчийг нь хайрга мэт үзэгдэх жижиг, цагаан чулуугаар онож байгаа нь буусан байна.
Харин ерөнхий сайдын зүгээс тухайн үйл явдлыг нэг их авч хэлэлцээгүй бөгөөд “Ямар нэг зүйл намайг оносон бол мөрийг минь л оносон байх, өмнө нь бүр хулууны үрд оногдож явлаа” хэмээжээ.
Одоогийн байдлаар Канад улсын нийт вакцины насныхны 74 хувь нь вакциндаа бүрэн хамрагдсан юм. Хэдийгээр тус улсад коронавирусийн дөрөв дэх давлагаа эхэлсэн ч тус давлагаа түлхүү вакцинд хамрагдаагүй хүмүүсийг хамарч байгаа гэнэ.
Ташрамд дурдахад Канад улсын холбооны сонгууль энэ сарын 20-ны өдөр тохиох ажээ.
Эх сурвалж: The Guardian