Мерседес шинэ загварын футуристик машинаа танилцуулсан нь бодлоор удирдаж болох ажээ. Техник технологийн дэвшлийг үзүүлэх Мерседес Вишн AVTR машин нь цахилгаанаар ажиллаад зогсохгүй хүний тархины тусламжтай ажиллах гэнэ.
Вишн AVTR загварыг ХБНГУ-д зохион байгуулагдаж байгаа "Олон улсын автомашины үзэсгэлэн 2021"-ийн үеэр танилцуулж, олонд толилуулсан байна. Гэвч тус машин нь одоогоор дөнгөж хөгжүүлэлтийн үе шатандаа л явж байгаа ажээ.
Машины дотоод засал болоод гаднах загвар нь тэр чигтээ шинжлэх ухаанд суурилсан бөгөөд Тархины тооцоологч интерфейс буюу BCI гэх шинэ технологийг нэвтрүүлэх нь бусад машинаас ялгарах гол онцлог нь гэнэ.
Гэсэн хэдий ч машиныг уламжлалт маягаар жолоодох юм. Харин тус технологийг хэрхэн ашиглах тал дээр жишээ тайлбар хийсэн нь: жолооч радио сувгаа солих, дууг чангалж суллах болбоос тухайн үйлийг биеэр үйлдэх шаардлагагүйгээр бодоход л хангалттай ажээ.
Харамсалтай нь дээрх загвар хэрэглэгчдийн гарт хүрэхэд хэдэн арван жил шаардагдах тооцоо гарсан байна.
Эх сурвалж: UNILAD