Ираны засгийн газраас солонгосын гэр ахуйн цахилгаан хэрэгсэл үйлдвэрлэгч компаниуд Иранд буцаж нээгдэнэ гэсэн цуурхалыг худлаа гэж няцаажээ.
Сүүлийн үед Иранд бараа бүтээгдэхүүний үнэ нэмэгдэхийн хэрээр гэр ахуйн цахилгаан хэрэгслийн үнэ өсч, Samsung Electronics, LG Electronics зэрэг Солонгосын компаниуд тус улсад борлуулалтаа сэргээнэ гэсэн яриа гараад байсан билээ.
Гэвч Ираны Худалдаа, аж үйлдвэр, эрчим хүчний яамнаас Солонгосын гэр ахуйн цахилгаан хэрэгсэл үйлдвэрлэгч компаниудыг Иранд буцааж нээх талаар Засгийн газраас ямар нэгэн зөвшөөрөл олгоогүй гэж мэдэгджээ.
2018 оны 8-р сарын эхээр АНУ-ын Иранд тавьсан эдийн засгийн хориг арга хэмжээний дараа Солонгосын ихэнх компаниуд Иранаас гарсан юм.
Тухайн үед Ираны Гадаад хэргийн яамнаас "Иранчууд хүнд хэцүү үед нь тусалсан найзыгаа мартдаггүй. АНУ-ын хэрэгжүүлсэн хориг арга хэмжээний улмаас Ираныг орхисон орнуудын бизнес эрхлэгчид манай улсад дахин хөл тавихад маш хүнд байх болно." хэмээн мэдэгдэж байжээ.
Эх сурвалж: Naver