Өнөөдөр буюу есдүгээр сарын есний өдөр БНАСАУ-ын 73 жилийн ой тохиож байгаа билээ.
![Personnel in orange hazmat suits march during the parade in Pyongyang to mark the 73rd founding anniversary of the republic [KCNA via Reuters]](https://www.aljazeera.com/wp-content/uploads/2021/09/2021-09-09T031030Z_2116845423_RC22MP998YCI_RTRMADP_3_NORTHKOREA-PARADE.jpg?resize=770%2C513)
Тийнхүү үүсгэн байгуулагдсаны 73 жилийн ойгоо угтан тус улс 8-наас 9-ний өдөр шилжих шөнө хагас цэрэгжилт бүхий олон нийтийн аюулгүй байдлын жагсаалыг хийсэн юм. Баярын жагсаал БНАСАУ-ын Пхеньян хот дахь Ким Иль Суны талбайд зохион байгуулагдаж, удирдагч Ким Жон Ун ч оролцжээ.
Сонирхолтой нь энэхүү жагсаал сүүлийн нэг жил хүрэхгүй хугацаанд зохион байгуулагдаж байгаа гурав дахь жагсаал гэнэ. Харин бусад жагсаалтай харьцуулахад энэ удаагийн жагсаал ямар ч пуужин, цэргийн зориулалттай нүсэр техник хэрэгсэлгүй болсон юм.
Жагсаалыг телевизийн сувгуудаар шууд дамжуулаагүй ч сонины газраас нийтэлсэн зургуудад удирдагч Ким Жон Ун болоод жагсаалд оролцож буй цэргүүдийг буулгасан байна.
Эх сурвалж: Al Jazeera