Шинэ Зеланд улсад өнгөрсөн сарын дунд үеэс эхлэн Ковид-19 өвчний дельта хувилбар эрчимтэй тархаж эхэлсэн ба халдварласан хүмүүсийн 14%-ийг 9-өөс доош насны хүүхдүүд эзэлж байна гэжээ.

Шинэ Зеландын Ерөнхий сайд Жасинда Ардерн өнгөрсөн даваа гарагт болсон хэвлэлийн бага хурлын үеэр ярихдаа өнгөрсөн сарын дунд үеэс тархаж эхэлсэн дельта хувилбараар одоогийн байдлаар 868 батлагдсан тохиолдол бүртгэгдээд байгаагийн 121 нь 9-өөс доош насны хүүхдүүд байна гэв.

Ерөнхий сайд Ардерн хэлэхдээ ‘Аль болох олон иргэдийг вакцинжуулалтад хамруулах нь нэн чухал болохыг бидэнд харуулж байна. Хүүхдүүдийн төлөө бүхий л насанд хүрэгч вакциндаа хамрагдах ёстой.’ хэмээн нэмж дурдсан юм.

Шинэ Зеландын эмийн хяналтын байгууллага 12-оос доош насныханд вакцин хийхийг хараахан зөвшөөрөөгүй байгаа аж.

Эх сурвалж: SBS