ОХУ энэ оны есдүгээр сараас 2022 оны сүүл сар хүртэл Беларусь улсад 630-640 сая ам.долларын зээл олгох болсныг тус улсын ерөнхийлөгч Владимир Путин хэлжээ.
Тэрээр өчигдөр буюу пүрэв гарагт Москва хотноо Беларусь улсын ерөнхийлөгч Александер Лукашенкотой уулзсан бөгөөд уулзалтын дараах хэвлэлийн бага хурлын үеэр “Беларусь улсад энэ оны есдүгээр сараас ирэх оны сүүл сар хүртэлх хугацаанд 630-640 сая ам.долларын хэмжээ бүхий зээл олгохоор боллоо” хэмээсэн байна.
Мөн уулзалтын үеэр Беларусь улсад тохиож байгаа хүнд асуудлуудын тухай хэлэлцэж, шатахууны талаарх асуудалд зөвшилцөлд хүрсэнг хэлжээ.
Түүний хэлснээр, “2022 онд Беларусь улсад нийлүүлэх шатахууны үнэд өөрчлөлт орохгүй. Улмаар шатахуун үнэ ирэх жилийн инфлациас үл хамааран одоогийн нийлүүлэгдэж байгаа үнээр худалдаалагдах болно” гэсэн юм.
Эх сурвалж: ТАСС