Дэлхий даяар хагас дамжуулагчийн хомсдолд ороод байгаа энэ цаг үед Хятадын Зах зээлийн хяналт, удирдлагын ерөнхий газраас тээврийн хэрэгслийн хагас дамжуулагчийн үнийг өсгөсөн борлуулагч байгууллагуудад торгууль ногдуулжээ.
БНХАУ-ын Зах зээлийн хяналт, удирдлагын ерөнхий газраас 10-ны өдөр өөрийн вебсайтдаа мэдээлэхдээ, саяхан Shanghai Chete Electronics, Shanghai Qingsheng Industry болон Shenzhen Yuchang Technology зэрэг гурван компанид нийт 2.5 сая юаний торгууль ногдуулсан гэжээ.
Тус улсын эрх баригчдын зүгээс цаашид ч хагас дамжуулагчийн зах зээлийн үнийн хяналтыг чангатгахын зэрэгцээ дамлан зарах, үнэ өсгөх зэрэг хууль бус үйлдэлд хатуу шийтгэл ноогдуулах болно гэж мэдэгдэв.
Ройтерс агентлагийн мэдээлснээр уг арга хэмжээг хагас дамжуулагчийн хомсдолоос болж тасалдаад байгаа автомашины үйлдвэрлэгчдэд туслах зорилгоор хэрэгжүүлсэн гэжээ.
Эх сурвалж: Yonhap