Өнгөрөгч гурваас тавдугаар сарын хооронд Англи болоод Хойд Ирланд улсад ирсэн хүмүүсийн ойролцоогоор гуравны нэгийг тусгаарлалтын дэглэм зөрчсөн гэж сэжиглэж байгаа ажээ. Харин BBC агентлагийн мэдээлж байгаагаар тус хугацаанд 300 мянга гаруй хүнийг гэрийн тусгаарлалтын дэглэмээ баримталж байгаа эсэхийг шалгуулах хүсэлт мөрдөх товчоонд ирсэн байна.
Гэвч тус улсын засгийн газраас тэдгээр тохиолдлоос нийт хэчнээн тохиолдол нь үнэхээр тусгаарлалтын горим зөрчсөнийг хэлж чадахгүй, мөрдөх боломжгүй байгаа гэжээ.
Британийн засгийн газар коронавирусийн тархалтыг хумьж, шинэ хувилбарын тархалтыг зогсоохын тулд энэ оны эхэнд гадаад орноос ирэгчдэд зориулж шинэ журам баталсан нь өндөр эрсдэлт улсаас ирэх хүмүүс зочид буудалд тусгаарлалтад орох ёстой хэмээсэн бөгөөд улбар шар ангилал дахь улсаас ирэх аялагчид сөрөг хариу бүхий тест үзүүлж, 10 хоног өөрийгөө тусгаарлах учиртай байжээ.
Гэвч тухайн журам үйлчилж байсан хугацаанд нийт 301076 хэрэг мөрдөх албанд хүргэгдсэн нь бүгд тэдгээр хүмүүсийг гэртээ тусгаарлалтын дэглэмээ баримталж байгаа эсэхийг шалгуулах хүсэлтэй байсан юм.
Харамсалтай нь одоо хэргийг шалгах боломжгүй болсон бөгөөд удирдлагуудын зүгээс бие биедээ нялзаасан нөхцөл байдал үүсээд байгаа ажээ.
Эх сурвалж: BBC