Даваа гарагт Walmart-ын зүгээс Litecoin коиныг дэлгүүрийнхээ бүх салбарт төлбөрийн нэг хэлбэрээр бүртгэхээр зөвшөөрсөн тухай мэдээллийг хэвлэлийн нэгэн томоохон агентлагаас нийтэлжээ.
Харамсалтай нь үнэн эсэхийг бүрэн нягтлаагүй мэдээллийн вебсайт, агентлагууд тус мэдээллийг олонд түгээсэн юм. Улмаар мэдээлэл нийтлэгдсэнээс хойш тус коины үнэ огцом өссөн ч тухайн мэдээлэл хуурамч болохыг Walmart-ын зүгээс мэдэгджээ.
Одоогоор тухайн мэдээллийг хэн нийтэлсэн нь тодорхойгүй байгаа ч мэдээллийг устгасан байна.
Харин Litecoin коиныг нийлүүлэгчдийн зүгээс мэдэгдэл гаргаж, Walmart сүлжээ дэлгүүртэй хамтрах ямар ч гэрээ хэлцэл хийгээгүй болохыг тайлбарлажээ.
Гэсэн ч сохорсон мэт завшив гэдгийн үлгэрээр Litecoin-ий үнэ 125 фунтийн үнэлгээтэй байснаас 170 фунтийн үнэ хүрч, хуурамч мэдээлэл болох нь батлагдсанаас хойш 127 фунтийн үнэ хүрч, унасан байна.
Криптовалютын зах зээлд энэ мэт хэрэг гарах нь элбэг үзэгдэл бөгөөд хүмүүс өөрсдийн авсан коины үнийг зохиомлоор хөөрөгдүүлж, өндөр үнэ хүргээд зардаг юм.
Эх сурвалж: BBC