Фижи арал энэ ондоо багтаан хилээ нээхээр бэлтгэж байна.

Тус арлын улс нь ирэх арван хоёрдугаар сард хилээ нээхээр төлөвлөөд байсан ч вакцинжуулалтын хөтөлбөрөөс хамаарч хил нээх хугацаанд өөрчлөлт орж магадгүй байгаа ажээ.

Хил нээж, жуулчид хүлээн авах ажилтай холбогдуулан Худалдаа, наймаа, аялал жуулчлалын яамнаас мэдээлж байгаагаар, “Бид арван нэгдүгээр сард хилээ нээхээр шамдаж байгаа ч одоогоор баттай хэлж мэдэхгүй байна. Бидний зүгээс өөрийн улсад илрэх дотоодын халдварыг бууруулж, хүмүүсийг Фижи арал бол аюулгүй аяллын бүс гэдэгт итгэл төгс байх боломжоор хангаж, манай арал дээр амарсан жуулчин нутагтаа халдвар тээж очихгүй байх тал дээр анхаарлаа хандуулж байгаа” гэсэн байна.

Фижи улсын ДНБ-ын 40 хувийг аялал жуулчлал дангаар бүрдүүлдэг тул цар тахлын улмаас үйл ажиллагаагаа зогсоогоод байсан байгууллагуудын хувьд энэ нь үнэхээр сайхан мэдээ болж байгаа юм.

Харин арлыг зориход тавигдах шаардлагад жуулчид “ногоон жагсаалт”-д байх улсуудаас ирсэн байх бөгөөд ирэхдээ вакциндаа бүрэн хамрагдаж, коронавирусийн PCR шинжилгээний сөрөг хариу бүхий баримт бичигтэй байх ёстой гэж заажээ.

Эх сурвалж: CNN