Залуучууд уур амьсгалын өөрчлөлтийн хүрээнд ямар үзэл бодолтой байгаа тухайд хийсэн хамгийн том судалгаа энэ долоо хоногийн мягмар гарагт нийтлэгджээ.

Судалгаанд Австрали, Бразил, Финланд, Франц, Энэтхэг, Нигер, Филиппин, Португали, Их Британи, Америк улсуудаас 16-25 насны нийт арван мянган хүн хамрагдсан байна.

Гэвч судалгааны үр дүнд судлаачид нэгэн хатуу үнэнийг олж мэдсэн нь уур амьсгалын өөрчлөлтийн хүрээнд залуу үеийнхний хувьд ахмад үеийнхэн нь тэднээс урвасан мэт санагддаг хэмээжээ.

Тодруулбал, судалгаанд оролцогчдын 75 хувь нь “ирээдүй айдас төрүүлэм байна” гэсэн бол 60 хувь нь уур амьсгалын өөрчлөлтийн тухайд “маш”, “үнэхээр их” санаа зовж байна гэсэн байна. Улмаар судалгаанд оролцогчдын 40 хувь нь ирээдүйд эцэг эх болохдоо эргэлздэг учир нь нарны халуун илчинд түлэгдэх гэсэн, хогоор дүүрсэн газарт хүүхэд төрүүлнэ гэдэг аймшигтай хэрэг гэж үзжээ.

Мөн залуусын төлөөллөөс тэдний энэ айдсыг сэтгэл зүйч эмнэж, зөвлөөд алга болгочих зүйл биш гэдгийг ч хэлсэн юм.

Эх сурвалж: NY Post