БНХАУ энэ долоо хоногийн лхагва гарагт хуванцрын хаягдлыг хянах таван жилийн төлөвлөгөөг танилцуулжээ.

Төлөвлөгөөг БНХАУ-ын Хөгжил, шинэчлэлийн үндэсний комисс, Хүрээлэн буй орчин, экологийн яамнаас хамтран боловсруулсан юм. Улмаар хуванцрын хэрэглээ, үйлдвэрлэл, хуванцрыг юугаар орлуулж болох, хуванцар хаягдлын хэмжээг хэрхэн бууруулах зэрэг асуудлуудыг төлөвлөгөөнд багтаажээ.

Төлөвлөгөөний зорилгын хүрээнд 2025 он гэхэд жижиглэн болон онлайн худалдаа, хүргэлтийн үйлчилгээнд ашигладаг нэг удаагийн хуванцрын хэрэглээг зогсоох гэнэ.

Цаашлаад хуванцрыг хулс, мод, цаас, байгальд ээлтэй хуванцраар орлуулах арга замыг эрэлхийлж, байгальд шингэдэг хуванцар боловсруулах технологийг хөгжүүлж, тус технологид суурилсан үйлдвэрлэлийг шат дараатай хөгжүүлэх тал дээр анхаарах ажээ.

Эх сурвалж: Xinhua