Эл Сальвадор улсын нийслэл Сан Сальвадорт биткоиныг албан ёсоор төлбөрийн хэрэгслээр зөвшөөрсөнд уурссан ард иргэд дахин жагсжээ.
Тус улсын ерөнхийлөгч Наяиб Букелегийн хэлснээр энэхүү алхам нь гадаад улсад ажиллаж амьдардаг ард иргэд ар гэртээ мөнгө шилжүүлэхэд илүү хялбар болно гэж байсан юм.
Тийнхүү Латин Америкийн хамгийн ядуу улс болох Эл Сальвадор криптовалютыг төлбөрийн нөхцөлд албан ёсоор зөвшөөрсөн анхны улс болсон билээ. Гэвч жагсагчдын зүгээс энэхүү шийдвэр нь мөнгөний ханшийг тогтворгүй, инфляцад өртөмтгий болгоно гэж үзэж, биткоины цоо шинэ машиныг эвдэж, “Дарангуйлагч Букеле” гэсэн лоозон барин алхжээ.
Харин Ерөнхийлөгч Букеле өөрийн шийдвэрт үнэнч байгаа бөгөөд хэдийгээр биткоины үнэ огцом унасан ч нэмж 150 биткоин худалдан авсан юм.
Эх сурвалж: BBC