Нидерланд улсад алдарт зураач Винсент Ван Гогын зурсан нэгэн бүтээлийг нээн илрүүлжээ.
Тодруулбал, түүний нэрэмжит музейгээс туйлдсан шинжтэй суух хөгшин эрийг дүрсэлсэн тус зургийг Винсент Ван Гог зурсан гэж баталсан байна.
Харин зургийг хаанаас олсон болох тухайд BBC агентлагаас мэдээлж байгаагаар нэгэн голланд гэр бүлийн хувийн цуглуулгад хэдэн зууны турш хадгалагдсан байжээ. Чухамдаа тэдний гэр бүлийн зүгээс музейд хандаж, Винсент гэж жижгээр үзэглэсэн тус зураг Ван Гогынх мөн эсэхийг тодруулж өгөхийг хүссэн байна.
Тийнхүү пүрэв гарагт тус зургийг Амстердам хотод байх Ван Гогын музейд анх удаагаа олонд толилуулжээ. Улмаар ирэх оны нэгдүгээр сарыг хүртэл тус хар зураг нийтэд нээлттэй байх бөгөөд нэгдүгээр сарын 2-ны өдрөөс хойш өмчлөгч гэр бүлийн хувийн цуглуулгад нь буцаах гэнэ.
Одоогоор зургийг хэчнээн үнэ хүрэхийг хэлэхэд бэрх байгаа ажээ.
Эх сурвалж: BBC