Нидерланд улсын парламентаас гадаад хэргийн сайд Сигрид Каагыг өнгөрсөн сард Афганистанаас улсаас ард иргэдийг нүүлгэн шилжүүлэх ажиллагааг муу зохион байгуулсан гэж дүгнэжээ. Улмаар тус улсын гадаад хэргийн сайд Сигрид Кааг суудлаа хүлээлгэн өгснөөр Талибаны эзлэн түрэмгийллээс болж суудлаасаа огцорсон барууны засгийн газрын анхны удирдах албан тушаалтан боллоо.

Тодруулбал, Нидерландын засгийн газраас түүнийг Афганистанд өрнөсөн үйл явдлын хүрээнд хариу арга хэмжээ авахдаа хугацаа алдаж, нүүлгэн шилжүүлж болох олон мянган афганичуудыг орхисон гэж буруутгасан юм.

Харин Сигрид Каагын зүгээс өөрийгөө зөв зүйл хийсэн гэж үзэж байгаа ч парламентын саналыг хүлээн авч, суудлаа хүлээлгэн өгчээ.

Тэрээр засгийн газар хариу арга хэмжээ авахдаа удсан гэдгийг ч хүлээн зөвшөөрсөн байна.

Нидерландын засгийн газраас наймдугаар сарын сүүлийн хоёр долоо хоногийн хугацаанд Афганистан улсаас 2000 хүнийг л нүүлгэн шилжүүлж чаджээ. Гэвч голланд цэргүүдэд тусалж, хэлмэрч, туслахаар ажиллаж байсан олон зуун хүмүүс Афганистан улсад үлдсэн юм.

Суудлаасаа буусан Сигрид Кааг цаашид D66 намынхаа даргаар үргэлжлүүлэн ажиллах ажээ.

Эх сурвалж: BBC