НҮБ-ын харьяа Олон улсын хүүхдийн яаралтай тусламжийн сангаас энэ лхагва гарагт мэдээлснээр Нигер улсад хичээлийн шинэ жил эхэлж байгаатай холбогдуулан сурагчдыг олноор нь хулгайлах ихээр гарах болжээ. Улмаар 1 сая гаруй хүүхэд жил завсардаж магадгүй байгаа гэнэ.
2021 он гарсаар Нигер улсад энэ төрлийн гэмт хэрэг 20 удаа бүртгэгдсэн бөгөөд улмаар 1400 хүүхэд хулгайлсан хэрэг гарч, 16 хүүхэд амиа алдсан байна. Мөн 200 гаруй хүүхэд одоо ч сураггүй байгаа юм.
Тэдгээр хэргийг эхэндээ Нигер дэх жихад бүлэглэлээс зохион байгуулж байсан ч цаашлаад Баруун Африкийн бүс дэх Исламын улс, гэмт хэргийн бүлэглэлүүд зохион байгуулах болжээ.
ЮНИСЕФ-ийн Нигер дэх төлөөлөгчийн мэдээлж байгаагаар, “Ойрын үед гарч байгаа халдлагын улмаас эцэг эх, гэр бүлүүд хүүхдүүдээ сургуульд явуулахаас айдастай болж, сурагчдын боловсрол тасалдаж байна” гэсэн юм.
Тэгвэл тус улсын нийслэл Абужад хичээл эхлэх тов тодорхойгүй хугацаагаар хойшлоод байна.
Эх сурвалж: CNN
Huni naimaa gazar avch bga n delhiger neg tarhaj bga harhnuudtai holbootoi l bh.