Эль Сальвадор улс энэ сарын 7-ны өдрөөс эхлэн биткоиныг албан ёсоор төлбөрийн хэрэгсэлд тооцохоор болсон билээ. Улмаар тус шийдвэрийн хүрээнд Эль Сальвадор улсын засгийн газраас эхлээд 400 биткоин, дараа нь 150 биткоин худалдан аваад байсан бол даваа гарагт дахин 150 биткоин худалдан авчээ.

Хэдийгээр Эль Сальвадор улсын ард иргэд дээрх шийдвэрийг эсэргүүцэж, нийслэл Сан Сальвадорт нь жагсаал цуглаан дуусахгүй байгаа ч ерөнхийлөгч Наяиб Букелэ ийнхүү биткоины ханшийн уналтыг үл тоон худалдан авалт хийсээр байна. Тэрээр өөрийн Твиттер хуудаснаа, “Бид ханшийн уналтаар худалдан авалт хийлээ. 150 шинэ коин! Эль Сальвадор улс ийнхүү 700 биткоинтой боллоо” хэмээжээ. Тийнхүү Эль Сальвадор улс нийт 32 сая ам.доллартой дүйх биткоиныг эзэмшиж болсон байна.

Даваа гарагийн байдлаар биткоины ханш 44,487-48,242 ам.долларын хооронд хэлбэлзсэн юм.

Эх сурвалж: Mint