Хатан хаан хоёрдугаар Элизабетын ач охин, ханхүү Эндрью, Йоркийн гүнгийн авхай Сара нарын ууган охин гүнж Беатрис анхны хүүхдээ өлгийджээ.
Гүнж Беатрис өнгөрсөн оны долдугаар сард Эдвардо Мапелли Моццитой гэрлэж, цар тахлын үед даруухан ёслол хийж байсан юм. Тэгвэл ийнхүү хуримын ёслолоосоо нэг жилийн дараа хааны удам бүл нэмлээ.
Букингемийн ордноос даваа гарагт мэдээлснээр хосууд маань бяцхан охинтой болжээ.
Охин өнгөрөгч долоо хоногийн бямба гарагт мэндэлсэн байна. Тэрээр хаан ширээ залгамжлах жагсаалтын арван нэгдүгээрт бичигдэх гэнэ.
Гүнжийн нөхөр болох Эдвардо Мапелли Моцци нь урьд амьдрал зохиож байсан бөгөөд нэг хүүтэй юм. Улмаар ордны хэвлэлээс мэдээлснээр, “Бяцхан охины элэнц, өвөг эцэг, эх нар түүний эсэн мэнд амаржсан мэдээг дуулаад маш баяртай байгаа. Гэр бүлийн зүгээс эмнэлгийн эмч, ажилчдад анхаарал халамж тавьсан явдалд гүнээ талархаж байгаагаа уламжилсан. Эрхэм дээд гүнж болоод түүний охин хоёрын биеийн байдал маш сайн байгаа бөгөөд хосууд маань бяцхан охиноо ахтай нь танилцуулахаар тэсэж ядаж байгаа” хэмээсэн юм.
Эх сурвалж: USA Today