БНХАУ-ын нутаг дэвсгэр дэх хамгийн үзэмж муутай 10 барилгыг шалгаруулах уралдаан зохион байгуулагдаж байна.
Уралдаанд нийт 87 бүтээл өрсөлдөж байгаа юм.
БНХАУ-ын уран барилгын цахим хуудас болох archcy.com сайтын зүгээс өнгөрөгч 11 жилийн турш жил бүр хамгийн үзэмж муутай барилгыг шалгаруулах уралдааныг зохион байгуулж ирсэн билээ. Тэгвэл энэ удаад ч тэд ийнхүү улсдаа шилдэгт тооцогддог уран барилгын шүүмжлэгч, фирмүүдтэй хамтран уралдаанаа зохион байгуулж байгаа юм.
Улмаар зохион байгуулагчдын зүгээс уралдааны гол зорилго нь хүмүүст уран барилгын гоо сайхан хийгээд үзэшгүй муухайг эргэцүүлэх боломжийг олгож, уран барилгачдын нийгмийн хариуцлагыг өндөржүүлэх хэмээжээ.
Одоогийн байдлаар тус уралдааныг 8850 саналтайгаар Жэжян их сургуулийн өмнөд хаалга тэргүүлж байна.
Эх сурвалж: The Guardian