Хэт даврагсад видео тоглоомын чатыг үзэн ядалтаа илэрхийлж, сөрөг сэтгэгдэл түгээх талбар болгон ашиглах болсныг BBC агентлагаас олж мэджээ.
Тэдний зүгээс өнгөрсөн гурван сарын хугацаанд DLive, Odysee зэрэг шууд дамжуулалтын платформуудад ажиглалт хийсэн нь хэт даврагсад тэдгээр платформыг ашиглан антисемитизм, ялгаварлан гадуурхах үзэл хийгээд ижил хүйстнүүдийг ялгаварлах үзлийг түгээж байгааг илрүүлсэн байна.
Улмаар хэт даврагсад шууд дамжуулалтын үеэр өөрсдийн сөрөг хандлага бүхий үзлийг түгээж, цаашлаад тухайн үзлээ хөхүүлэн дэмжих зорилгоор хувийн Телеграм сувгуудыг ашиглаж байжээ.
Мөн Roblox, Minecraft зэрэг тоглоомын орчинд хүмүүс өөрсдийн ертөнцийг бүтээж, тоглодог бөгөөд Roblox дээрх нэгэн ертөнцөд тоглогчдыг ялгаварлан гадуурхах үзэлтэн болоход уриалж, тухайн ертөнцдөө угсаатны цөөнхүүдийг машинаар дайрч алах ч үйл явдлууд дүрслэгдэх болсон байна.
Харин тухайн тоглоомыг хөгжүүлэгчдийн зүгээс тоглоомоо аюулгүй, хүмүүнлэг орчинтой болгоход чиглэн хичээн ажиллаж байгаагаа хэлжээ.
Эх сурвалж: BBC