Бямба гарагт Сомали улсын нийслэл Могадишуд амиа золиослогчид машин дэлбэлж, дор хаяж 7 хүний амь эрстжээ.
Тухайн хэрэг гарсан дүүргийн цагдаагийн хэлтсийн ахмад Мукавие Ахмед Мудейн хэвлэлийнхэнд мэдээлснээр дэлбэрэлтийн улмаас 8 хүн шархадсан гэнэ.
Хэргийг үйлдсэн хүмүүсийн тухайд түүний мэдээлж байгаагаар исламын зэвсэгт бүлэглэл болох Аль-Шабаб гэх бүлэглэл үйлдсэн ажээ.
Хэргийн тухайд тодруулбал, ерөнхийлөгчийн ордон руу зүглэсэн цуваа машинуудын нэгд нь гэмт этгээдүүд бөмбөг байрлуулж, цагдаагийн албаныхан аюулгүй байдлын шалгалт хийхээр машиныг зогсооход бөмбөгийг тэсэлсэн юм.
Аль-Шабаб нь араб хэлнээ “Залуу үе”, “Залуу нас” гэсэн утгатай бөгөөд тус хэт даврагч бүлэглэлтэй АНУ-ын засгийн газрын цэргүүд олон жилийн турш тэмцэж байгаа билээ.
Сомали улсын засгийн газрын зүгээс тухайн бүлэглэлийг маш олон алан хядах ажиллагаанд буруутгадаг ба Аль-Шабаб бүлэглэл 2010 оноос хойш 4000 гаруй хүний аминд хүрсэн гэсэн тооцоог ч гаргасан байна.
Эх сурвалж: BBC