Афганистан улсын Хелманд аймгийн нутаг дэвсгэрт дэг журам тогтоож буй Талибан бүлэглэл сахал, үс засдаг хүмүүсийг Шариатын хуулийн дагуу шийтгэнэ гэж анхааруулжээ. Улмаар хэн нэгэн эрийн сахлыг засаж эсвэл хусаж байгаа дүр зураг үзэгдэх аваас гэмт этгээдийг хатуу шийтгэнэ хэмээсэн байна.
BBC агентлагаас мэдээлж байгаагаар тус журам өнгөрсөн ням гарагаас эхэлж хэрэгжих болсон гэжээ.
Мөн Талибан бүлэглэл засгийн эрхийг авснаас хойш эрчүүдийн үс сахлыг засах нь тэс ондоо хэрэг болсон хэмээсэн юм. Учир нь үсчдийг “Америк загвар дуурайхаа зогсоо” гэж шаардах болсон ажээ.
Өнгөрөгч сарын 15-ны өдөр тус улсын засгийн эрхийг Талибан бүлэглэл эзэлснээс хойш афганичууд болоод дэлхийн анхааралд Талибан бүлэглэл тус улсыг хэрхэн засаглах бол гэдэг маш ихээр анхаарал татаж байсан. Гэвч ийнхүү сар хагасын хугацаа өнгөрөхөд Афганистан улсын хөгжил буцаад 1996-2001 оны тэртээх чанга дэглэмтэй, эрх чөлөөгүй Афганистан улстай эн зэрэгцэх нь тэр.
Эх сурвалж: Fox News