Даваа гарагт Беларусь улсын ерөнхийлөгч Александер Лукашенко Аюулгүй байдал, Батлан хамгаалах болон Хууль хүчний байгууллагуудын удирдлагуудтай хийсэн ярилцлагынхаа үеэр Беларусь улсын хил дээр үүсээд байгаа цагаачдын асуудлыг хэрхэх тухай саналаа хэлжээ.
Тэрээр Беларусь улсын хэвлэлийн агентлагт өгсөн ярилцлагадаа, “Одоо бүгдээрээ хэрхэх тухайгаа хэлэлцье. Хүмүүсийг ингэж зовоох нь байж боломгүй хэрэг. Бид тэдэнд хоол хүнс, хувцас хэрэглэл, гал түлэх мод болоод майхан өгсөн хэдий ч өвөл болоход тэд бүгд хөлдөж үхэх болно. Тэд олон мянган километрийн замыг туулж өмнөдөөс ирсэн. Товчоор хэлбэл манай улсын хил дээр хүмүүнлэгийн хямрал нүүрлээд байна” хэмээжээ.
Түүний хэлснээр Беларусь улстай хөрш, залгаа оршдог улсууд өөрсдийн хилийг хааж, онц байдал зарласан нь хэн ч тэдний нутаг дэвсгэрт орж, хүмүүс амь тавьж байгааг мэдэхгүй өнгөрөхөд тусалж байна гэж үзэж байгаа гэнэ.
Эх сурвалж: ТАСС