ХБНГУ-ын Холбооны сонгууль энэ сарын 26-ны өдөр боллоо. Тэгвэл сонгуулийн урьдчилсан дүнгээр зүүнийг баригч Социаль Демократик нам хамгийн их саналыг авч, ялалт байгуулжээ.
Тус намын араас нийт саналаар одоогийн канцлер Ангела Меркелийн нам болох Кристиан Демократик Юнион нам удаалсан юм.
Улмаар Холбооны сонгуулийг ажиглагчдын зүгээс хэлж байгаагаар Социаль Демократик нам 25.7 хувийн санал авсан бол Кристиан Демократик Юнион нам 24.1 хувийн санал авч, Грийн нам 14.8 хувийн саналтайгаар гутгаар байранд оржээ. Ийнхүү тэдгээр намууд шинээр бүрдүүлэх холбооны засгийн газарт суудалтай болох юм.
Энэ удаагийн Холбооны сонгуулийн үр дүн олны анхаарлыг ихэд татаж байсан нь Ангела Меркелийн орыг залгах шинэхэн канцлер хэн байх вэ гэдэг олон улсын хараанд байлаа.
Улмаар Социаль Демократик нам одоо шинэ засгийн газраа хэрхэн бүрдүүлэхээ шийдэх бөгөөд энэ нь хэдэн долоо хоног цаашлаад хэдэн сарын ч хугацаа авч болох ажээ.
Сонирхуулахад 2017 онд Ангела Меркелийн нам сонгуульд ялалт байгуулсны дараа шинэ засгийн газраа бүрдүүлэх гэж таван сарын хугацааг зарцуулж байсан байна.
Тийнхүү тус улсын шинэ канцлераар Олаф Шолтц гэх эрхэм тодорчээ.
Эх сурвалж: CNN