Даваа гарагт ерөнхийлөгч Эммануэль Макрон Францын Лиён хотноо зохион байгуулагдсан олон улсын хоол, хүнсний үзэсгэлэн худалдаанд зочилжээ. Гэвч түүнийг тус арга хэмжээнд оролцож байх үеэр нэгэн залуу эр түүн рүү өндөг шидэж, мөрийг нь оносон байна.
Тухайн үйл явдлын бичлэг цахим орчноо ихээр цацагдаж байгаа бөгөөд дүрс бичлэгийг үзвээс ерөнхийлөгч Макрон олон дунд алхаж байхад нэгэн өндөг түүний мөрөнд ойж газар унаж байжээ. Өндөг нүүлгэсний дараа түүний хоёр бие хамгаалагч даруй ерөнхийлөгчид ойртож, хамгаалалтдаа авсан юм.
Харин хэвлэлийнхний мэдээлж байгаагаар ерөнхийлөгч Макрон “Хэрэв надад хэлэх зүйл байгаа бол гараад ир” гэж хэлсэн гэжээ.
Лиён хотын цагдаагийн байгууллагаас хэргийг үйлдсэн этгээдийг илрүүлж, саатуулсан байна. Улмаар хэрэгтэн урьд өмнө нь гэмт хэрэг үйлдэж байсан түүхгүй, 19 настай нэгэн болохыг олонд мэдээлжээ. Түүнд одоогоор “Нийтийн удирдлагын алба хаагчид халдсан” гэх хэрэг үүсгэн шалгаж байгаа гэнэ.
Эх сурвалж: USA Today