Apple компанийн зүгээс саяхан танилцуулаад буй iPhone 13 ухаалаг утас олон төрлийн шинэ нэмэлт тохиргоотой, үзүүлэлттэй болохыг хүмүүс шагшиж буй. Гэвч шинэ утас гаргах бүрдээ технологийн салбарыг байлдан дагуулж байдаг тус компанийн iPhone 13 загварын утас засвар үйлчилгээний хувьд учир дутагдалтай болохыг илрүүлжээ.
iFixit гэх компанийн зүгээс тухайн гар утсыг туршилтад оруулахад хэрэв хэрэглэгч гар утасныхаа дэлгэцийг эвдээд солиулсан тохиолдолд царай таньдаг үйлдлийн систем нь ажилладаггүй болохыг олж мэдсэн байна. Тэдний зүгээс дэлгэцийг олон төрлөөр холбож, засварлаж үзсэн ч тийнхүү царай таних үйлдлийн системийг эргэн ажиллуулж чадаагүй гэнэ.
Улмаар тэдний зүгээс хэтийн хэрэглэгч нарт анхааруулж, “Одоогийн байдлаар хэрэв та утасныхаа дэлгэцийг солиулбал, Apple компаниар л засуулаагүй тохиолдолд таны утасны нүүр царай таних үйлдлийн систем ажиллахаа болино” хэмээжээ.
Эх сурвалж: Engadget