TikTok аппликэйшн технологийн салбарт, нэн ялангуяа сошиал платформ нийлүүлэгчдийн хувьд маш томд тооцогдох амжилтад хүрчээ. Энэ нь тус аппликэйшн дэлхий даяар нэг тэрбум идэвхтэй хэрэглэгчтэй болсон явдал юм.
Дээрх амжилтыг урьд зөвхөн Google болон Facebook компаниуд л эзэмшдэг байсан бөгөөд тэдгээр компаниас хамааралгүй аппликэйшн ийнхүү нэг тэрбум идэвхтэй хэрэглэгчтэй болсон нь үнэхээр цохон тэмдэглүүштэй үйл явдал гэнэ.
Улмаар TikTok-ын энэ амжилтыг цар тахалтай холбон тайлбарлах хүмүүс ч бишгүй байгаа юм. Тэдний хэлж байгаагаар цар тахлаас үүдэн хүмүүс ухаалаг утсандаа ихээхэн цаг зарцуулах болсноор тийн тус аппликэйшний хэрэглэгчдийн тоо огцом өссөн хэмээжээ. Мөн олон хүн сошиал медиа платформоор дамжуулан мөнгө олдог болох хүсэлтэй ч холбож байгаа гэнэ.
Юутай ч хятад удирдлагатай тус аппликэйшн ерөнхийлөгч асан Доналд Трампын эсэргүүцэл, Энэтхэг улсаас тавьсан хориг, Европын орнуудаас хийсэн шалгалтуудыг үл ажран нэг тэрбум хэрэглэгчтэй болж чаджээ.
Тоон баримтыг үзвэл нийт хэрэглэгчдийн тоо өнгөрөгч оны наймдугаар сараас даруй 25 хувиар өссөн байна.
TikTok-оос гадна цөөн хэдхэн аппликэйшн нэр тэрбум хэрэглэгчтэй бөгөөд үүнд Facebook, YouTube, Instagram багтдаг ажээ.
Харин тэдгээрийн араас Snapchat 500 сая хэрэглэгчтэй бол Twitter 300 сая хэрэглэгчтэйгэр удаалдаг гэнэ.
Эх сурвалж: CNN