Японы шинэ ерөнхий сайд болох Либерал Ардчилсан намын шинэ дарга Фумио Кишида нь Ковид-19 өвчнийг үндэсний хямрал хэмээн онцолж, цар тахлын эсрэг шийдэмгий байдлаар арга хэмжээ авч тэмцэхээ мэдэгдэв.
Өнөөдөр буюу 29-ний өдөр Либерал ардчилсан намын даргаар сонгогдсоныхоо дараа “Энэ удаагийн сонгууль дууслаа. Одоо манай, танай гэсэн талцал үгүй юм.” гээд одоо Либерал ардчилсан намын бүх гишүүд нэгдэж, энэ жилийн доод танхимын сонгууль, ирэх оны дээд танхимын сонгуульд идэвхийлэн оролцох ёстой хэмээн сэтгэгдэлээ илэрхийллээ.
Бодит байдал дээр Япон улсад "Үндэсний хямрал нүүрлээд байна.” гэж онцлоод Ковид-19 өвчний эсрэг "Би цөхрөлтгүй тууштай байж, чадах бүхнээ хийн тэмцэх болно.” хэмээн амлав.
Нэмж дурдахад, тэрээр цар тахлын улмаас уналтад ороод буй эдийн засгаа сэргээхийн тулд хэдэн арван их наяд иенээр хэмжигдэх цогц арга хэмжээг энэ ондоо багтаан авах болно гэдгээ удаа дараа мэдэгдэж байгаа юм.
Эх сурвалж: SBS