Турк улсын Бурса мужид Бейхан Мутлу гэх эр алга болж, түүнийг хайх эрлийн ажиллагаа хэдэн цагийн турш үргэлжилжээ. Тэрээр мягмар гарагт найзуудын хамтаар алкоголийн төрлийн бүтээгдэхүүн их хэмжээгээр хэрэглэж, ой руу ороод эргэн гарч ирээгүй байна.
Улмаар гэр бүл, найз нөхөд нь санаа зовохдоо холбогдох байгууллагад хандсанд эрлийн багийг илгээсэн ажээ.
Хачирхалтай нь түүнийг хайх эрлийн үеэр ойд Мутлу эрлийн багтай нэгдэж, “алга болсон” эрийг хайж эхэлсэн юм.
Өдгөө 50 настай тэр эр хэдэн цагийн турш “өөрийгөө” хайсан бөгөөд эрлийн багийнхан арга тасарч, түүний нэрийг дуудахад “Би энд байна” хэмээжээ. Тийнхүү Мутлу өөрөө ч мэдэлгүй “өөрийгөө” хайх ажиллагаанд нэгдсэн байжээ.
Эрлийн багийнхан түүнээс мэдүүлэг авахад Мутлу, “Намайг битгий хатуу шийтгээрэй. Аав маань намайг алах болно” гэсэн байна.
Цагдаагийн албанаас түүнийг гэрт нь хүргэж өгчээ.
Эх сурвалж: BBC
Өө ёоёо хахаа
хаха