Дэлгүүрийн тавиур дээр өрөөтэй байдаг арван мянган төгрөгийн ч үнэ хүрэхгүй Орео жигнэмгийг 30 орчим сая төгрөгөөр худалдаж авах гэж хүмүүс үнэ хэлэлцэж байна гэвэл та итгэх үү?
Есдүгээр сарын эхэнд Орео жигнэмгийг үйлдвэрлэгч компаниас Покемонтой хамтарч, олон төрлийн Покемон амьтад бүхий дүрстэй жигнэмгийг худалдаанд гаргасан юм. Тус жигнэмэг нь тодорхой тоотой гарсан тул бусад орео жигнэмэгтэй харьцуулахад ховорд тооцогдох боловч жигнэмэг дээрх амьтдын дүрсээр ялгарч, зарим нь нэн ховор олдвор шиг үзэгдэх болсон байна.
Тодруулбал, Покемон ертөнцөд Мью гэх домгийн амьтан маш ховорд тооцогддог бөгөөд хүн төрөлхтний хувьд бараг л ганц эвэрттэй дүйх юм. Тэгвэл бодит амьдрал дээр, Орео жигнэмэгт ч Мьюгийн дүрс бүхий Орео маш ховорд тооцогдохыг бодолцож, цөөн тоогоор үйлдвэрлэжээ. Улмаар Мьюгийн дүрс бүхий жигнэмгийг олсон нэгэн эр eBay цахим худалдааны платформ дээр зарахаар оруулсанд нэгэн эрхэм 10 мянган ам.долларын үнэ нэрлэсэн байна.
Амтны хувьд Покемон Орео бусдаасаа ер ялгарахгүй ч тийнхүү өөрийн гэсэн үнэ цэнийг аль хэдийн бүрдүүлээд амжжээ.
Эх сурвалж: CNN
Ер нь тэгээд бусдаас онцгой байх гэсэн мөрөөдөл, мөнгөнөөс өөр юм бодохоо болиод хүн төрөлхтөн гэдэг чинь мулгуу болцгоож буй юм биш үү?! Солиорцгоочихож гэж бодож байна. Бие биенээ дагаж хуйлраад юу хийж байгаагаа ч анзаарахаа больж буй юм биш үү?! Ийм галзуучуудын ертөнцөд үр ач нар минь яаж амьдарнаа.