Пүрэв гарагийн байдлаар Австрали улсын Викториа мужид нэг өдөрт бүртгэгдэх коронавирусийн халдварын тоо 50-аас илүү хувиар өссөн үзүүлэлт харагджээ. Энэхүү огцом өсөлтийг засгийн газрын зүгээс 100 хувь ард иргэдийн буруу гэж тодорхойлж байгаа юм.
Учир нь ард иргэд хөл бөмбөгийн тоглолт үзэх шалтгаанаар нэгнийхээ гэрт олноор цугларч, цаашлаад үдэшлэг болон даамжирсан байна.
Тус мужийн нийслэл Мельбурн хот жил бүр улсынхаа шигшээ тоглолтыг зохион байгуулдаг бөгөөд хөл бөмбөгт хайртай ард иргэд амралтын өдрүүдийг хөл бөмбөгөөр амьсгалж өнгөрүүлдэг. Гэвч өдгөө Мельбурн хотод коронавирусийн улмаас хөл хорио тогтоосон учир тус хотын хоёр баг Австралийн баруун эргийн Перт гэх хотод тоглохоор болжээ.
Тийнхүү пүрэв гарагт Викториа мужид 1438 шинэ тохиолдол бүртгэгдсэнээс ойролцоогоор гуравны нэг нь коронавирусийн журмыг зөрчсөн байв. Мельбурн хотын хувьд хөл хорио нь энэ сарын 26-нд цуцлагдах төлөвлөгөөтэй байгаа бөгөөд оршин суугчид зургаа дахь удаагийн хөл хориондоо үнэхээр туйлдаж байгаа ажээ.
Засгийн газрын зүгээс ард иргэдийн 80 хувь нь вакциндаа бүрэн хамрагдсан цагт хөл хорионы арга хэмжээг авахгүй гэсэн ч дельта хувилбарын тархалтаас үүдэн 90 хувь болтол хойшлуулж магадгүй болсон байна.
Эх сурвалж: Fox News