Эмнести Интернэйшнл төрийн бус байгууллагын зүгээс пүрэв гарагт хийсэн мэдэгдэлдээ хиймэл дагуулын зураг, бичлэгүүдээс үзэхэд Польш улс наймдугаар сарын сүүлээр хил дээр цугласан цагаачдыг Беларусь улсын тал руу хууль бусаар шахан оруулсан тухай мэдээлжээ.
Тэдний зүгээс наймдугаар сарын 18-ны өдрийн хиймэл дагуулын зургийг ашиглан хүмүүсийн шилжих хөдөлгөөнийг илрүүлсэн байна. Харин Польш улсын засгийн газраас тухайн асуудалд ямар нэг тайлбар хийгээгүй ажээ.
Эмнести Интернэшлийн европ дахь салбарын захирал Эве Геддиегийн хэлснээр, “Орогнол хүссэн хүмүүсийг хэчнээн хэмжээний хамгаалалт хүсэж байгааг тодорхойлолгүйгээр албадан буцаах нь Европ тив болоод олон улсын хуулийг зөрчиж байгаа хэрэг” хэмээсэн юм.
Афганистан улсыг Талибан бүлэглэл эзэлснээс хойш Польш, Беларусь улсын хил дээр орогнол хүссэн цагаачид адар хоногийг арайхийн аргацаах болсон бөгөөд одоог хүртэл ямар ч арга хэмжээ аваагүй байгаа билээ. Энэ тухайн Беларусь улсын ерөнхийлөгч А.Лукашенко өөрийн улсын хил дээр хүмүүнлэгийн хямрал нүүрлээд байна гэж мэдэгдсэн юм.
Эх сурвалж: Reuters