Американ Эйрлайнс агаарын тээврийн үйлчилгээ эрхлэгч компанийн нэгэн нислэгийн хүрээнд хачирхалтай явдал болжээ. Тодруулбал, Калигаас Миамид хүрсэн 920 дугаарт нислэгийн зорчигч онгоц газардсан хойно ослын хаалгыг нээн гараад, далавч руу нь үсэрсэн байна.
Кристиан Сегура гэх тэр эрхэм өдгөө 33 настай бөгөөд АНУ-ын Хил, гаалийн аюулгүй байдлын албанаас түүнийг баривчлахаар ирэхэд хэсэг хугацаанд муур хулгана болж тоглоод ч амжжээ. Одоогоор түүнийг яагаад тийм үйлдэл хийх болсон шалтгаан нь тодорхойгүй байгаа юм.
Кристианыг далавчнаас буусан хойно эмнэлгийн үзлэгт оруулах болсон бөгөөд эмнэлгээс гармагц даруй шоронд хүргэх гэнэ.
Аз болоход тус хэрэг бусад зорчигчдод ямар нэг хохирол учруулаагүй юм.
Энэ мэтчилэн онгоцонд зүй бус авирлах нь 35 мянган ам.долларын торгууль, шоронд сууж ял ч дагуулдаг ба зарим тохиолдолд агаарын тээврээр үйлчлүүлэх эрхийг бүх насаар нь түдгэлзүүлдэг байна.
Эх сурвалж: UNILAD