АНЭУ-ын нийслэл Дубай хотноо өнгөрсөн жил зохион байгуулагдахаар төлөвлөөд байсан “Дубай экспо 2020” нь Ковид-19 өвчний улмаас нэг жилээр хойшлогдоод байсан билээ.
Тэгвэл өнөөдрөөс буюу энэ сарын 1-ний өдөр нээлтээ хийсэн уг экспо нь ирэх жилийн 3-р сарын 31-ний өдрийг хүртэл 6 сарын турш үргэлжлэх ба 192 улс оролцож байгаагаараа рекорд тогтоогоод буй юм.
1851 онд Лондон хотноо анх зохион байгуулагдаж асан цагаас хойш 170 жилийн түүхэндээ анх удаа Ойрхи дорнодод, тэр дундаа Дубайд болж буй энэ удаагийн экспод Арабын Нэгдсэн Эмират улс 7 тэрбум ам. долларын хөрөнгө оруулалт хийсэн байна. Энэхүү экспо нь Олимп болон ДАШТ-ий хамт дэлхийн гурван том арга хэмжээний нэгээр эрэмблэгддэг юм.
10 сая хүн амтай Арабын Нэгдсэн Эмират улс зургаан сарын хугацаанд 25 сая хүн “Дубай экспо 2020”-ийг зорьж ирнэ хэмээн төлөвлөөд байгаа аж.
Эх сурвалж: YTN